МЭНДЧИЛГЭЭ

2014-10-02 08:34:05

Ангилал : Мэдээ, мэдээлэл | Нийтэлсэн : Боловсрол, Соёлын газар | Уншсан (15) | Сэтгэгдэл ( 3 ) | Дэлгэрэнгүй

Сургалтын менежер, цэцэрлэгийн эрхлэгч нарт

2014-10-21 11:58:37

Сайн байцгааана уу?

           2014-2015 оны хичээлийн жилд сургууль, цэцэрлэгт ажиллаж буй багш нарын дэлгэрэнгүй судалгааг доорх хүснэгтийн дагуу гарган файл хэлбэрээр 10-р сарын 27-ны дотор amaraa_0204@yahoo.com хаягаар ирүүлнэ үү. 

           Жич: 1. Энэ жил Ажиллах эрхийн шалгалтад тэнцэж үнэмлэх авсан багш нарыг багшлах эрхтэйд тооцохгүйг анхаарна уу. Учир нь анхны жилийн сургалтад хамрагдаж, нэгдсэн журмаар материал бүрдүүлэн БМДИ-д хүргүүлж багшлах эрхээ авах юм.  

                     2. Судалгааг файлаар ирүүлэхдээ сум сургуулиа тодорхой бичих шаардлагатай. 

Хүснэгтийг татах

 

Хүндэтгэсэн: Мэргэжилтэн П.Амартуяа 

Холбогдох утас: 89044449

Ангилал : Мэдээ, мэдээлэл | Нийтэлсэн : Боловсрол, Соёлын газар | Уншсан (35) | Сэтгэгдэл ( 0 ) | Дэлгэрэнгүй

Сургууль, цэцэрлэгийн удирдлагуудад!

2014-10-21 11:11:34

Сүхбаатар аймгийн боловсролын байгууллагын

 удирдах ажилтны сургалт

 

Зорилго: -Түмэнцогт сумын сургууль,цэцэрлэгийн үйл ажиллагаатай танилцах дэлгэрүүлэх, харилцан туршлага солилцох

                   - Сургууль, цэцэрлэгийн менежментийг боловсронгуй  болгох

Хугацаа:  2014 оны 10 сарын 24-нөөс  3 өдөр

Хамрах хүрээ: Сургуулийн захирал-16, цэцэрлэгийн эрхлэгч-22, SBTV-2, Боловсролын газрын мэргэжилтнүүд-10, НТБ-1, Түмэнцогт сумын сургууль,цэцэрлэгийн багш нар

Зохион байгуулах баг: Боловсролын газар, Түмэнцогт сумын сургууль,цэцэрлэг

Семинарын хөтөлбөрийг татах

 

Мөн Цэцэрлэгийн эрхлэгч нар цэцэрлэг дээр байрлах бөгөөд ор хөнжлийн давуутайгаа ирээрэй.

Ангилал : Мэдээ, мэдээлэл | Нийтэлсэн : Боловсрол, Соёлын газар | Уншсан (0) | Сэтгэгдэл ( 0 ) | Дэлгэрэнгүй

2014 оны Шилдэг илтгэл хүлээж авах хугацаа дууслаа...

2014-10-21 09:25:25

2014 оны Шилдэг илтгэлийг ирүүлсэн байдал

        2014 оны илтгэлийг 10-р сарын 20-ны дотор Боловсролын газарт ирүүлсэн байна гэсэн мэдээллийг та бүхэнд өмнө нь хүргэсэн. Одоогоор Асгат, Баяндэлгэр, Наран, Сүхбаатар, Халзан, 1,2,3,4-р БДС-иуд ирүүлээд байна. Хугацаандаа  ирүүлсэн сургуулиудадаа баярлалаа. Дарьганга, Мөнххаан, Онгон, Уулбаян, Түвшинширээ, Түмэнцогт, Эрдэнэцагаан сумдын сургууль болон цэцэрлэгүүд илтгэлээ хэзээ ирүүлэх вэ?

      Жич: Та бүхэн илтгэлээ bsg_sukhbaatar@yahoo.com хаягаар давхар файлаар ирүүлнэ үү. Мэйлээр  явуулахдаа сум сургууль, файлынхаа нэрийг тодорхой бичихийг анхааруулж байна. 

Холбогдох утас: 89044449

Ангилал : Мэдээ, мэдээлэл | Нийтэлсэн : Боловсрол, Соёлын газар | Уншсан (7) | Сэтгэгдэл ( 0 ) | Дэлгэрэнгүй

Үндсэн сургалт

2014-10-21 08:43:35

ҮНДСЭН СУРГАЛТ

2013-2014 оны хичээлийн жилд 5 дах жилдээ ажиллаж байсан менежер, СӨБ-ын арга зүйч, 10 дах жилийн технологийн багш нарын сургалт тодорхойгүй хугацаагаар хойшлогдсон болно. Мөнххаан, Эрдэнэцагаан сумд англи хэлний багш нарын тестийг татаж, багш нараасаа  шалгалт авч, яаралтай явуулна уу. Лавлах утас: 99518356

Боловсролын газар

Ангилал : Мэдээ, мэдээлэл | Нийтэлсэн : Боловсрол, Соёлын газар | Уншсан (5) | Сэтгэгдэл ( 0 ) | Дэлгэрэнгүй

МЭРГЭЖЛИЙН ЗЭРЭГ ХАРИУЦСАН СУРГАЛТЫН МЕНЕЖЕР, ЦЭЦЭРЛЭГИЙН ЭРХЛЭГЧ НАРЫН АНХААРАЛД!

2014-10-20 23:16:31

МЭРГЭЖЛИЙН ЗЭРГИЙН СУДАЛГАА  / ЯАРАЛТАЙ /

     Сайн байцгаана уу ? Та бүхний Хурцбаяр мэргэжилтэнд өгсөн багшийн мэргэжлийн зэргийн судалгаа, Сарангэрэл мэргэжилтний зэргийн нэгдсэн судалгаа 2 зөрөөтэй байгаа тул дараах мэдээг хариуцлагатай бөгөөд маш яаралтай гарган, Блолвсролын газрын bsg_sukhbaatar@yahoo.com хаягаар 2014 оны 10 сарын 21-ны 11 цагаас өмнө явуулна уу. Зэргийн судалгааны  нэгдсэн хүснэгтийн татан авч судалгааг маягтын дагуу хийхийг анхааруулж байна./ excel дээр  фонд,  үсгийн хэмжээг өөрчлөхгүй/

       Зөвхөн маргааш мэдээг дахин засах боломжтой бөгөөд хэрвээ тайланг буруу гаргасан сургууль, цэцэрлэгийн багш нарын зэргийн нэмэгдэл орох боломжгүй болохыг анхаараарай. Мөнххаан, Уулбаян, Баяндэлгэр, Дарьганга, Эрдэнэцагаан  зэрэг сумдын сургуулиуд зэргийн судалгаагаа шинэчлэн өгөөгүй байгаа тул сайтар хянаарай.

      Зэрэг хариуцсан мэргэжилтэн нь зөвхөн сургуулийн захирал , цэцэрлэгийн эрхлэгчийн тушаалыг үндэслэн зэргийн үнэмлэх олгодог бөгөөд тушаалаа ирүүлээгүй газруудын зэргийн үнэмлэхийг бичих боломжгүй, хаана хэнд заах аргач зэрэг олгож байгааг тооцох аргагүй байдгийг анхаарч , хэрвээ зэрэг олгосон бол заавал тушаалаа   ирүүлж үнэмлэхээ авна  гэдгийг анхаарна уу ! Иймээс зэргийн нэгдсэн судалгаа зөрөөтэй гарч байна .

Судалгааг татах

 

 Зэрэг хариуцсан мэргэжилтэн Б.Сарангэрэл Утас 99184273

 

БОЛОВСРОЛЫН ГАЗАР 

Ангилал : Статистик мэдээ | Нийтэлсэн : Боловсрол, Соёлын газар | Уншсан (2) | Сэтгэгдэл ( 0 ) | Дэлгэрэнгүй

Сургууль, цэцэрлэгийн удирдлагуудад

2014-10-20 18:09:41

Багшаар ажиллах эрх олгох шалгалт

зохион байгуулах тухай

          Багшаар ажиллах эрх олгох зөвлөлийн шийдвэрээр 2014 оны 11-р сард 3 дахь удаагийн шалгалтыг зохион байгуулахаар төлөвлөж байна.  Шалгалтыг Багшийн мэргэжил дээшлүүлэх институтийн захирлын 2014 оны 06-р сарын 30-ны өдрийн А/51 дүгээр тушаалаар батлагдсан “Сургуулийн өмнөх боловсролын байгууллага болон ерөнхий боловсролын сургуульд багшаар ажиллах эрх олгох шалгалт зохион байгуулах журам”-ын дагуу зохион байгуулна.

         Шалгалтын бүртгэл 10-р сарын 16-ны өдрөөс эхлэн 10-р сарын 25-ны өдрийг дуустал Багшийн мэргэжил дээшлүүлэх институтийн www.itpd.mn цахим хуудсаар дамжуулан онлайн хэлбэрээр зохион байгуулагдаж байна.

               Жич: 1. Багшлах эрхийн шалгалтад огт ороогүй болон өмнө нь ороод тэнцээгүй бүх хүн шалгалтын хураамж 35000 төгрөг төлж                         хамрагдахыг анхаарна уу.

                        2. Сургууль, цэцэрлэгийн удирдлагууд шалгалтад тэнцээгүй, ажиллаж байгаа багш нараа бүрэн хамруулах шаардлагатай.

                  3. Багшаар ажиллах эрх олгох шалгалтыг онлайн хэлбэрээр 2014 оны 11-р сарын 03-ны өдөр зохион байгуулах бөгөөд хөдөө орон нутагт шалгалт өгөхөөр бүртгүүлсэн хүний тооноос хамааран шалгалтын байршил, хугацааг зарлан, Боловсролын газарт 10-р сарын 30-нд багтаан зохион байгуулах удирдамж ирнэ.

Боловсролын газар

Холбогдох утас: 89044449

Ангилал : Мэдээ, мэдээлэл | Нийтэлсэн : Боловсрол, Соёлын газар | Уншсан (13) | Сэтгэгдэл ( 0 ) | Дэлгэрэнгүй

СУРГУУЛИЙН УДИРДЛАГА БОЛОН НОМЫН САНЧ НАРТ

2014-10-20 17:51:48

СУРГУУЛИЙН УДИРДЛАГА БОЛОН НОМЫН САНЧ НАРТ

 

Сайн байцгаана уу? Та бүхэнд энэ өдрийн мэнд хүргэе. 

             2014-2015 оны хичээлийн жилд ашиглаж байгаа түрээсийн сурах бичгийн төлбөр тушаасан баримтыг 2014 оны 10 сарын 23-ны дотор эх хувиар нь ирүүлнэ. Мөн доорх түрээсийн төлбөрийн судалгааг бөглөж 2014 оны 10 сарын 21-ны 12 цагийн дотор bu_lkhagvaa@yahoo.com хаягаар ирүүлнэ үү.

1-5 дугаар ангийн сурах бичиг ашиглах тухай

Түрээсийн төлбөрийн судалгаа татах

Ангилал : Мэдээ, мэдээлэл | Нийтэлсэн : Боловсрол, Соёлын газар | Уншсан (7) | Сэтгэгдэл ( 1 ) | Дэлгэрэнгүй

CЭТГЭЛИЙН ЗУЛ

2014-10-20 15:02:52

CЭТГЭЛИЙН ЗУЛ

            Бидний дотны нөхөр, хүндэт багш Буянт Овогт Чойн Жамъянжав нь 2014 оны 10 сарын 19-ний өдөр хүнд өвчний улмаас ертөнцийн мөнх бусыг үзлээ.

               Талийгаач Ч.Жамъянжав нь 1952  онд Сүхбаатар аймгийн Халзан сумын нутаг Халзан овооны энгэр Цагаан хошуунд мэндэлжээ. 1975 онд УБДС-ийг Монгол хэл, уран зохиолын багш мэргэжлээр төгсөж, ажил хөдөлмөрийн гараагаа Мөнххаан сумын сургуулиас эхэлж байжээ. Тэрээр:

 
•          1975-1986 онд Мөнххаан сумын дунд сургуульд багш, хичээлийн эрхлэгчээр
 
•           1986-1992 онд Түвшинширээ сумын дунд сургуулийн захирал
 
•           1992-1994 онд Д.Сүхбаатарын нэрэмжит 10 жилийн сургуульд хичээлийн эрхлэгч
 
•           1994 оноос Боловсрол соёлын  газрын Монгол хэл уран зохиол-Албан бус боловсрол,зайны сургалт хариуцсан арга зүйч, мэргэжилтэн зэрэг ажил албыг 37 жил нэр төртэй гүйцэтгэж байгаад 2013 онд гавьяаны амралтандаа гарчээ.   
 
          Ч.Жамъянжав нь “Зүрхний дуулал буюу Болор аялгуу”, “Сайн хүн болохын эхэн”, “Та үүнийг мэдэх үү?”, “Та өөрөө” “Хөдөөгийнхөндөө илгээх сэтгэлийн хайлал”, ”Сүхбаатар аймгийн Боловсрол соёлын байгууллагын түүхэн товчоон”, “Ухаарлын оч буюу танд дуулгах үг” арга зүйн зөвлөмж, “Миний дуу”  зэрэг 10 гаруй ном товхимол бичиж нийтийн хүртээл болгожээ. Мөн “Сургуульд хүүхдээ бэлтгэх нь” “Халзангийн Халзангийн Доржготов” илтгэл, найруулал нь улсад тэргүүн байрт шалгарч 1994 онд “Сүхбаатарын зам” сонины “Оны тэргүүн бичлэг”-ийн шагнал хүртэж байлаа.
 
         Түүний зохиосон Мөнххаан, Онгон, Түмэнцогт, Дарьганга, Баяндэлгэр, Баруун-Урт сумын Бүрэн дунд сургууль, хэд хэдэн цэцэрлэгийн дуу болон нийтийн дууны  шүлгэнд нь нутгийн дуун хөглөгчид ая дан тааруулснаар цэцэрлэг сургууль, соёлын танхимаас цуурайтсаар байна.
 
           Ч.Жамъянжав нь сургууль, цэцэрлэгийн удирдлага, багш нар, соёлын байгууллагын ажилтнуудтай хамтран ажиллаж, сургамж зөвлөгөө, шинэ санаа өгч, ажлын туршлагаа харамгүй хуваалцдаг дотны туслагч нь байлаа.
 
         Түүний хөдөлмөрч хичээнгүй, хүнлэг, ариун чанар, гавьяа зүтгэлийг нь хамт олон, төр засаг өндрөөр үнэлж Ардын хувьсгалын 70,80,90 жилийн ойн медаль, аймгийн ажил мэргэжлийн 2 удаагийн аварга, “Тэргүүний сэхээтэн” алтан медаль, “Боловсролын тэргүүний ажилтан”, “Үндэсний бичиг соёлыг дэлгэрүүлэгч” хүндэт цол,”Алтан гадас” одонгоор тус тус шагнажээ. Тэрээр Боловсрол судлалын магистр, Монгол улсын зөвлөх зэрэгтэй, ахмад зүтгэлтэн багш байлаа.
 
           Бидний эрхэм, дотны хүн Ч.Жамъянжавын нутаг ус, эрдэм ном, үр хүүхэд, төрөл садан, найз нөхдөө эрхэмлэн дээдэлдэг, хөдөлмөрч, дайчин, уйгагүй, ухаалаг, тэвчээр хүлээцтэй энгүй сайхан чанар нь бидэндээ үүрд үлгэр дуурайл  болсоор байх болно.

 

Ачлалт аав, ахмад сурган хүмүүжүүлэгч эрхэм та минь бурхны орондоо залардаа.

Таны минь гэгээн дүр бидний сэтгэл зүрхэнд үүрд мөнхрөн үлдэх болно.

УМ САЙН АМГАЛАН БОЛТУГАЙ.

Хань, үр хүүхэд, төрөл садан, найз нөхөд

Сүхбаатар аймгийн Боловсролын газар

Ерөнхий боловсролын сургууль, цэцэрлэгийн хамт олон 

Ангилал : Мэдээ, мэдээлэл | Нийтэлсэн : Боловсрол, Соёлын газар | Уншсан (31) | Сэтгэгдэл ( 0 ) | Дэлгэрэнгүй

СУРГАЛТЫН МЕНЕЖЕРҮҮДЭД

2014-10-20 11:14:54

МАТЕМАТИКИЙН ЦУВРАЛ ОЛИМПИАД ЗОХИОН БАЙГУУЛАХ ТУХАЙ

 

           Энэ хичээлийн жилийн турш 14 хоног тутамд Математикийн цуврал олимпиадыг зохион байгуулахаар шийдвэрлээд байна. Олимпиадад 2-12-р ангийн сурагчид, математикийн болон бага ангийн багш нар оролцоно. Үргэлжлэлийг дэлгэрэнгүйгээс

Ангилал : Зарлал | Нийтэлсэн : Боловсрол, Соёлын газар | Уншсан (237) | Сэтгэгдэл ( 0 ) | Дэлгэрэнгүй